Даниал Ахметов Францияның бас консулымен кездесті
Шығыс Қазақстан облысының әкімі Даниал Ахметов ҚР-дағы Францияның бас консулы Патрик Ренардың басшылығымен француздық делегациямен кездесті. Тараптар Өскемен мен Лион қалалары арасындағы екіжақты ынтымақтастықты тереңдету мәселелерін талқылады.
Даниал Ахметов кездесуде «ШҚО-да Франциямен дәстүрлі жақсы қарым-қатынас орнағанын атап өтті. Туризм, медицина, атап айтқанда, 
онкология саласындағы француздық тәжірибе, сондай-ақ бірқатар экономика салаларындағы озық инновациялық ұсыныстар біздің қызығушылығымызды арттыруда».
Француз делегациясының сапары екі күнге созылатыны белгілі. Осы уақытта олар Риддер қаласы және Глубоковское аудандағы тау-шаңғы демалыс базасына барады. Ол жердің әлеуетін айқындайды. Бұдан басқа, Өскеменде шетел қонақтары А. С. Пушкин атындағы облыстық кітапхананың француздық оқу залына барады.
Қазақпарат