"Болашақпен" оқып жүр, қанша қазақ баласы?
Кеше Ақордада Мемлекеттік хатшы Гүлшара Әбдіқалықованың төрағалығымен Шет елде кадрлар даярлау жөніндегі республикалық комиссияның кезекті отырысы өтті. Комиссия шешімімен стипендия магистратуарда және докторантурада оқитын, сонымен қатар әлемнің жетекші ғылыми және өндірістік орталықтарында тағылымдамадан өтуге жіберілетін 544 үміткерге тағайындалды.
Мемлекет хатшысы «Болашақ» бағдарламасы бойынша бүгінгі күнге дейін 9339 қазақстандық білім алғанын жеткізді. Ал, олардың барлығы оқуын тәмамдағаннан кейін елге қайтып, келісім бойынша оралып жатыр ма? Бұл сұраққа "Халықаралық бағдарламалар орталығы" АҚ президенті Жанболат Мелдешев жауап берді. Оның айтуынша, "Болашақ" бағдарламасы бойынша оқып, елге қайтпай қалған стипендиаттардың жалпы қарызы 1,9 миллиард теңгеге жеткен.
"2005 жылдан бері шәкіртақы саны көбейіп, 3 мыңға жетті. 2005 жылдан бері шәкіртақы алып, елге оралмай қалғандардың саны - 155 адам. Олардың қарызы - 1,9 миллиард теңге. Шамамен 500 миллионы қайтарылды. Бұл адамдардың ақшаны қайтару бойынша мәселесі жоқ", - деп түсіндірді Мелдешов.
Оның айтуынша, 2016 жылы бағдарламаны жүзеге асыру аясында жоғары мамандандырылған кадрларды дайындауға 231 шәкіртақы берілген. Қазіргі уақытта 25 елде 1 277 стипендиат оқып жатыр. 23 жылдан бері "Болашақ" бағдарламасы бойынша ұлттық экономика салаларында 9 339 маман дайындалған, олардың 2 мыңнан астамы инженерлер, екі мыңға жуығы мектеп және ЖОО оқытушылары, ел өңірлерінің 600 дәрігері, 400 мемлекеттік қызметкер, шығармашылық саласындағы 200 жұмысшы және ұлттық және жеке компаниялардың екі мыннан астам маманы.
"Сайгез-ақпарат"