Трамптың ұстанған саясатына қарсы Иран актрисасы Оскар жүлдесінен бас тартты
kinopoisk.ru
"Оскар" жүлдесіне ұсынылған "Коммивояжер" фильмінде басты рөлде ойнаған ирандық Таране Алидости АҚШ президенті Дональд Трамптың миграциялық саясатына қарсылық ретінде ақпан айында өтетін марапаттау салтанатына бармайтынын мәлімдеді. Актриса Twitter-дегі парақшасында Трамптың Иран азаматтарына виза беруге уақытша тыйым салу жоспарын "нәсілшілдік" деп атады.
Ирандық режиссер Асгар Фархадидің "Коммивояжер" фильмі "Оскар" сыйлығына "Ең үздік шетелдік фильм" номинациясы бойынша ұсынылған. Сыйлықты марапаттау шарасы 26 ақпанда Лос-Анжелесте өтуі тиіс. 25 қаңтарда Дональд Трамп миграциялық саясатты қатаңдатуға арналған екі жарлық шығарған. Таяу уақытта президент миграцияны шектейтін жаңа өкімдер шығаруы мүмкін.
2012 жылы Асгар Фархади "Развод Надера и Симин" фильмімен Оскардың "үздік шетелдік фильм" номинациясын жеңіп алған еді. Ал, 2009 жылы Асгар Фархадидің режиссерлігімен көрерменге жол тартқан "Эллидің басынан кешкені" (Darbareye Elly) фильміндегі басты рөлді Таране Алидости сомдаған болатын.
Америкалық ақпарат құралдарының хабарлауынша, дайындалып жатқан шаралар арасында Сирия, Иран, Ирак және басқа да мұсылман елдерінің азаматтарына виза беруді уақытша тоқтату шарасы да бар.
"Сайгез-ақпарат"