Мұхтар Әблязовтың балдызы Сырым Шалабаевқа қатысты қылмыстық іс тергелуде. Әзірге құзырлы орындар тергеу амалдарына қандай да бір қысым жасалмауы үшін күдікті туралы деректерді нақты жариялаған жоқ, деп хабарлайды КТК телеарнасы
Сырым Шалабаев Атырауда жалған құжат жасатқан деп айыпталған еді. Осы іс бойынша былтыр Көші-қон полициясының қызметкерлері бар жалпы саны 7 адам сотталған. Ал жездесінің артынан шекара асып үлгерген Шалабаевтың өзі әлі күнге халықаралық іздеуде жүр. 2011 жылы Лондон Жоғарғы соты да оны сотты сыйламағаны үшін бір жарым жылға бас бостандығынан айыруға үкім шығарған болатын.