Үкімет мұнай бағасының төмендеуіне байланысты 2015 жылдың бюджетін қайта қарайды. Бұл туралы бүгін Алматыда II халықаралық «Almaty Invest 2014» инвестициялық форумы барысында ҚР Премьер-Министрінің бірінші орынбасары Бақытжан Сағынтаев мәлімдеді.
«Қазақстан Үкіметі алдағы жылдың бюджетін қайта қарайды. Өйткені, мұнай бағасы төмендеп, бір баррелі 80 долларға түсуі мүмкін» - деді өз сөзінде Б. Сағынтаев.
Айта кетелік, аталмыш форум барысында қатысушылар, Алматы қаласының жаңа Жібек жолының қаржылық орталығы және Исламдық қаржыландыру орталығы ретіндегі даму стратегиясын, сонымен қатар, ғылыми-техникалық прогрестің қарқынды дамуы жағдайында орын алатын жаңа инновациялық инфрақұрылымдық шешімдерді, ұлттық инновациялық жүйе, туризм және «жасыл» экономика мәселелерін талқылайды.