ШЫМКЕНТ: ЕҢБЕКШІ АУДАНЫНДА 64 КӨПҚАБАТТЫ ҮЙДІҢ АУЛАСЫ АБАТТАНДЫРЫЛУДА

Рейтинг
04.07.2020, 19:18
ШЫМКЕНТ: ЕҢБЕКШІ АУДАНЫНДА 64 КӨПҚАБАТТЫ ҮЙДІҢ АУЛАСЫ АБАТТАНДЫРЫЛУДА

Еңбекші ауданы бойынша 630 көпқабатты үйдің бүгінгі күнге дейін 501-і абаттандырылып, балалар алаңшасы орнатылған.

Қазіргі таңда 111 үйдің ауласы абаттандыруды қажет етеді. Алайда 18 тұрғын үй ауласында қажетті жер телімі болмағандықтан, абаттандыруға мүмкіншілік жоқ.

Ал, қазіргі таңда 64 үй ауласын абаттандыру жұмыстары жүргізілуде. Базарқақпа, Жұлдыз тұрғын алабтарындағы 47 үйдің ауласын абаттандыру жұмыстары инженерлік жүйелер толық жүргізіліп біткен соң, істеледі.

2020 жылға 64 көпқабатты үйлердің аулаларын абаттандыру және балалар ойын алаңдарын орнатуға, 43 көпқабатты үйлердің аулаларын жөндеу және балалар ойын алаңшаларын қайта құру жұмыстарына бюджеттен 807 205 мың теңге қаралды. Оның ішінде «Жұмыспен қамту жол картасы» бағдарламасы бойынша 7 көпқабатты тұрғын үй ауласын абаттандыруға республикалық бюджеттен 75,8 млн. бөлініп, жұмыстарды «Таймас Company» ЖШС-і, «Агат» ЖШС-і, «Ынтымақ Бес-Арыс» ЖШС-ларымен жүргізілуде.

Сонымен қатар аудан аумағында 6 ашық спорт алаңшаларын орнатуға 79 979,043 мың теңге қаржы қаралып, қазіргі таңда «Таймас Company» ЖШС-і құрылыс жұмыстарымен айналысуда.

Одан бөлек, аудан аумағында аула аралық тозығы жеткен 8 мекен-жайдағы баспалдақтарды қайта құру жұмыстарына 17 138,3 мың теңге қаралып, "СК СТРОЙ-МОНТАЖ XXI" ЖШС-імен жұмыстарды бастау жоспарлануда.

Ауданда 2011-2013жж. абаттандырылған аулалардың басым бөлігінің тозығы жеткен. Аулаларды кезең-кезеңімен жөндеу және балалар ойын алаңшаларын қайта құру мақсатында қосымша 40 көпқабатты үйлердің аулаларына 578 396 мың теңгеге сметалық есептер әзірленіп, бюджеттік өтінім берілді. Бюджет қаржысының мүмкіндіне қарай абаттандыру жұмыстары жүргізіледі.

2021 жылы 100-ден астам үй ауларын жөндеу және балалар ойын алаңдарын қайта құру жоспарланған.

Бүгін осындай ауқымды жұмыстармен баспасөз өкілдері танысты. Еңбекші ауданы арнайы пресс тур ұйымдастырып, абаттандырылған аумақтарды көрсетті.

Сұхбат

PhotoRoom