Мектеп қауіпсіздігін арнайы күзетпен қамтамасыз ету мәселесі көтеріліп жатқан жоқ – ІІМ
ІІМ өкілі ол үшін бюджеттен қосымша қаражат қарастырылуы керегін айтты
Мектеп қауіпсіздігін арнайы күзет бөлімшелерімен қамтамасыз ету мәселесі көтеріліп жатқан жоқ. Бұл туралы ІІМ Күзет қызметін бақылау департаменті басқармасы бастығының орынбасары Серік Құспанов Қазақстанда мектеп қауіпсіздігін арнайы күзет бөлімшелерімен қамтамасыз ету мәселесі көтеріліп жатпағанын мәлімдеді.
ІІМ өкілі елдегі барлық оқу орындарын күзетпен қамту үшін штат санын көбейту қажет екенін айтты және оған тиісінше бюджеттен қосымша қаражат бөлінуге тиіс.
«Біздің департамент тікелей күзет қызметі саласындағы мемлекеттік саясатпен айналысады. Сондықтан объектілердің қауіпсіздігін ішкі істер органдарының мамандандырылған күзет бөлімшелері қамтамасыз етеді деп айта аламын. Қазір мектеп қауіпсіздігін арнайы күзет бөлімшелерімен қамтамасыз ету мәселесі көтеріліп жатқан жоқ. Алайда, еліміздегі барлық оқу орындарын күзетпен қамту үшін штат санын ұлғайту қажет. Бұл бюджеттен қосымша қаржы бөлуді талап етеді», - деп түсіндірді Серік Құспанов.
Сондай-ақ Серік Құспанов еліміздегі 3 298 мектеп пен 4 214 балабақшада лицензияланған күзет қызметі жоқ екенін мәлім етті.