Бүгін Астанада Қазақстан велоспорт федерациясының есептік-сайлау мәслихаты өтті, оның барысында федерация президенті Қайрат Келімбетовтің өкілдігі алынып тасталып, қоғамдық ұйымның жаңа басшылары сайланды.
«Қазақстан велоспорт федерациясының президенті қызметіне Дархан Қалетаев келсе, бірінші вице-президент болып Райымбек Баталов, вице-президенттер болып Александр Винокуров, Зүлфия Забирова және Аманбек Құлшықов сайланды», - делінген федерацияның баспасөз парақшасында.
Еске сала кетейік, ҚР велоспорты федерациясының бұрынғы президенті Қайрат Келімбетов бұл қызметтен 2015 жылдың қаңтарында кететіні жайлы мәлімдеп, оған себеп ретінде өзінің негізгі жұмысындағы жұмысбастылығын айтты.