Белгілі эколог, қоғам белсендісі Мұсағали Дуамбеков қайтыс болды

Тұлға
28.07.2020, 14:31

Марқұмның неден қайтыс болғаны туралы әлі айтылған жоқ

Белгілі эколог, қоғам белсендісі Мұсағали Дуамбеков қайтыс болды
Фото: ашық дереккөзден

Белгілі эколог, қоғам белсендісі Мұсағали Дуамбеков қайтыс болды. Қайғылы хабарды марқұмның досы, бұрынғы Мәжіліс депутаты Айгүл Соловьева жеткізді.

«Бүгін таңғы сағат 8-де менің досым, серіктесім және мүдделесім, қоғам белсендісі, сүйікті әке және нағыз адам Мұсағали Дуамбеков көз жұмды Иманды болсын», - деп жазды ол.

Мұсағали Сәрсенбайұлы Дуамбеков 1961 жылы 5 мамырда Жамбыл облысының Қаратау қаласында дүниеге келген. Қазақ политехника институтының Қаратау филиалын, қазіргі Мәскеу мемлекеттік құрылыс университетінің аспирантурасын бітірген. 100-ден астам ғылыми жарияланымның және өнертабыстың авторы. Техника ғылымының докторы, профессор. Оның «Қазақстан экологиясы», «Каспий теңізінің экологиялық қауіпсіздігі», «Экологиялық менеджмент» т.б. кітаптары жарық көрген.

2001-2003 жылдары - ҚР Табиғи ресурстар және қоршаған ортаны қорғау министрінің кеңесшісі, «Қазақстан Темір Жолы» ҰК» ЖАҚ Техникалық департаменті директорының орынбасары.

2003-2004 жылдары - Қазақ көлік және коммуникациялар академиясы Ақмола филиалының директоры.

2004-2005 жылдары - «Жасыл ғаламшар үшін» экологиялық қозғалысы» республикалық қоғамдық бірлестігінің төрағасы.

2007-2011 жылдары «Экологиялық таза тағам» журналының бас редакторы.

2011-2012 жылдары «Қарабура әулие мәдени орталығы» қоғамдық қорының президенті.

2012 жылдан бастап «Халықтық жемқорлыққа қарсы комитет» қоғамдық қорының президенті.

Ол 2011 жылы кезектен тыс президент сайлауына қатысып, Қазақстан президенттігініе үміткер болған.

Сұхбат

PhotoRoom