Шымкентте мобильді бригадалар саны 200-ге жуықтады

Аймақ
28.07.2020, 16:34

Олар 16-мыңға жуық науқасқа үй жағдайындағы станционарлық қызмет көрсеткен

Шымкентте мобильді бригадалар саны  200-ге жуықтады
фото: Шымкент қаласы әкімдігі

Елімізде енгізілген төтенше жағдай кезінде Шымкент қаласының әкімі Мұрат Әйтеновтің тапсырмасымен емханалары жанынан тәулік бойы жұмыс істейтін 58 мобильді топ құрылған болатын. Азаматтардың қауіпсіздігін ескере отырып, қала басшысы мобильді бригадалар санын әлі де арттыру қажеттігін айтты. Сол себепті, олардың саны бүгінде 197-ге жетті.

Бұл туралы Шымкент қаласының денсаулық сақтау басқармасы басшысының міндетін атқарушысы Тимирхан Варзилов ақпараттық-коммуникациялық орталығында өткен брифингте мәлімдеді.

«Шымкент қаласындағы емханалар жанында бұған дейін 58 мобильді топ жұмыс істеп келген болса, бүгінде оның саны 197 жетті. Олар 16-мыңға жуық науқасқа үй жағдайындағы станционарлық қызмет көрсеткен. Сонымен бірге 45 мың пациентке мобильді бригада қызметі арқылы үйлеріне дәрі-дәрмек жеткізілді. Атқарылған жұмыстар қаладағы эпидемиологиялық жағдайдың жақсаруына өз әсерін тигізді. Нақтырақ айтқанда, жедел жәрдем көмегін шақыртушылар саны күніне 38 пайызға азайды», - деді Т. Варзилов.

Сондай-ақ брифингте салаға жауаптылар станционарларда ем алушы науқастардың саны күрт төмендегенін мәлімдеді. Соңғы он күннің ішінде науқастар саны 2882-ден 1240-қа дейін азайған. Нәтижесінде станционарлардағы төсек орынның жүктемесі 78,7 пайыздан 33 пайызға дейін кеміп отыр.

Сұхбат

PhotoRoom