Ақтөбе облысындағы су тасқыны: 400-ден астам адам эвакуацияланды
Юрий Ильин Ақтөбе облысына барды
Төтенше жағдайлар министрі Юрий Ильин Ақтөбе облысының елді мекендеріндегі су тасқынының салдарын жою бойынша жұмыстарды бақылау және үйлестіру үшін оқиға орнына аттанды.
Температураның күрт жоғарылауы және қардың қарқынды еруі салдарынан Қобда және Ойыл аудандарының елді мекендерін су басқан.
Құтқарушылар мен жергілікті атқарушы органдардың күшімен алдын ала 400-ден астам адам эвакуацияланды.
Қазіргі уақытта бұрын эвакуацияланған 140 адам өз үйлеріне оралды, 70-тен астам адам уақытша эвакуациялау пунктінде, 240-тан астам адам туыстарының үйлерінде қалуда. 4 000-нан астам ауыл шаруашылығы жануарлары қауіпсіз жерге айдалды.
Облыстың аталған аудандарында жүргізіліп жатқан авариялық-құтқару және шұғыл жұмыстарға, су тасқыны салдарын жоюға ТЖМ құтқару бөлімшелерінің, жергілікті атқарушы органдар, ІІМ және облыстың басқа да мүдделі құрылымдарының жеке құрамынан 900-ге жуық адам, 650 техникасы, соның ішінде су сору құралдары жұмылдырылды.