Ливанға аттанған қазақстандық әскери дәрігерлер Бейрут әуежайына аман-есен жетті

Фоторепортаж
10.08.2020, 13:53

Олар Бейрутта болған жарылыстан зардап шеккендерге көмек көрсету үшін барды

Ливанға аттанған қазақстандық әскери дәрігерлер Бейрут әуежайына аман-есен жетті
фото: ҚР Қорғаныс министрлігі

Қазақстан Республикасы Қорғаныс министрлігінің арнайы мақсаттағы әскери-медициналық жасағы межеленген пунктке аман-есен жетті.

Бейрут халықаралық әуежайында жасақты Қазақстанның Ливандағы уақытша сенімді өкілі Ержан Қалекенов, Ливан Қорғаныс министрлігінің өкілі, бригадалық генерал Аби Карам және Ливан Сыртқы істер министрлігінің өкілі Али Дирани қарсы алды.

«Біз Қазақстанның Ливанға көмек көрсетудегі игі ісін бағалаймыз және Қазақстан Президенті Қасым-Жомарт Тоқаевқа көрсеткен көмегі мен қолдауы үшін шын жүректен ризашылығымызды білдіреміз», - деді Ливан Сыртқы істер министрлігінің өкілі Али Дирани.

Еске сала кетейік, 4 тамызда жергілікті уақыт бойынша сағат 18:00 шамасында Бейруттағы теңіз портының базасында бірнеше қатты жарылыс болды. Жақын маңда орналасқан үйлерде, сондай-ақ жарылыс эпицентрінен бірнеше шақырым жерде орналасқан ғимараттардың терезелері шағылды. Жергілікті биліктің алдын-ала ақпараты бойынша, теңіз портында пиротехникасы бар кеме жарылған.

8 тамыз күні таңертең Мемлекет басшысы - Қазақстан РЕСПУБЛИКАСЫ Қарулы күштерінің жоғарғы бас қолбасшысының тапсырмасы бойынша порттағы жарылыс салдарынан зардап шеккендерге медициналық көмек көрсету үшін құрамында 29 әскери дәрігер мен 4 аудармашысы бар топ Бейрутқа жіберілген болатын.

Сұхбат

PhotoRoom