Семей музейіне Абайдың жеті атасы көрсетілген Тобықты руының таңбасы табыс етілді

Аймақ
11.08.2020, 14:40

Ерекше сыйды мекемедегі жазасын өтеуші өз қолымен жасаған

Семей музейіне Абайдың жеті атасы көрсетілген Тобықты руының таңбасы табыс етілді
фото: polisia.kz

Семей қаласының музей қорына Абайдың жеті атасы көрсетілген Тобықты руының таңбасы табыс етілді, Бұл туралы Polisia.kz хабарлайды.

Абай Құнанбайұлының 175 жылдығына орай ШҚО бойынша ҚАЖД ОВ-156/15 мекемесінің қызметкерлері Семей қаласының мұражай қорына Абайдың жеті атасы көрсетілген Тобықты руының таңбасын табыс етті.

Мәдени шараның негізгі мақсаты – ұлттық құндылықтарымыз бен тарихи-мәдени мұраларымызды кеңінен насихаттай отырып, музей ісінің қоғамдағы маңызын арттыру. Ерекше сыйды мекемедегі жазасын өтеуші өз қолымен қолөнер бұйымын жасағанын айтты.

«Осы таңба мұражайдың төрінде тұрғанын шын жүректен қалаймын. Әкем шебер адам, ол көргенін айнытпай салатын керемет суретші, әрі құлпытасшы болатын. Кішкентайымнан әкемнің қасында көмекші болып жүріп, оның салған суреттеріне қызығатынмын. Мендегі сурет салып, ағаштан бұйым жасауға деген құштарлық сол әкемнен дарыған шығар, - дейді жазасын өтеуші шебер.

Сұхбат

PhotoRoom