Пандемия жолаушылар тасымалына әсер етті – Сауат Мыңбаев

Экономика
12.08.2020, 16:45

Тоқаев ҚТЖ басқарма төрағасын қабылдады

Пандемия жолаушылар тасымалына әсер етті – Сауат Мыңбаев
Фото: akorda.kz

Сауат Мыңбаев Қасым-Жомарт Тоқаевқа «Қазақстан темір жолы» ҰК» акционерлік қоғамының биыл атқарған жұмысы жайында есеп берді. Басқарма төрағасының айтуынша, 2020 жылдың бірінші жартыжылдығында жүк айналымы өткен жылдың аталған кезеңімен салыстырғанда 3,5%-ға артқан. Қазақстан мен Қытай арасындағы жүк тасымалының көлемі біршама өскен. Соған сәйкес мемлекетаралық бекеттегі өткізу қабілетін арттыру шаралары қабылданады.

ҚТЖ басшысы пандемияның жолаушылар тасымалына әсер еткенін атап өтті. Оның айтуынша, өткен жылмен салыстырғанда жолаушылар тасымалының көлемі екі есеге азайған. Соған қарамастан компания жолаушыларға қызмет көрсетудің жаңа стандарттарын енгізіп, жолаушылар вагондарының паркін жаңартып жатыр.

Кездесу соңында Қазақстан Президенті бірқатар нақты тапсырма берді.

Сұхбат

PhotoRoom