«Мемқызметшіге тән емес». Цой Алматы облысының бас санитарына қатысты пікір білдірді

Аймақ
13.08.2020, 09:49

Алматы облысының бас санитарлық дәрігеріне қатысты қызметтік тексеру жүргізіледі

«Мемқызметшіге тән емес». Цой Алматы облысының бас санитарына қатысты пікір білдірді
скриншот: youtube

Ерғали Сыдымынов арыз-шағым айтып келген талдықорғандық кәсіпкерлермен кездесу кезінде дөрекі сөйлеген. Ол туралы видео әлеуметтік желіде жылдам тарап, қоғамның қызу талқысына түсті.

«Денсаулық сақтау министрі Алексей Цой осы жағдайға айрықша назар аударды. Ведмоства басшысы, Алматы облысы бас санитарының халық алдындағы құрметсіз қылығын мемлекеттік қызметшіге тән емес деп бағалады. Осыған байланысты Ерғали Сыдымыновқа қатысты қызметтік тексеру жүргізуді бастауды тапсырды», - деп хабарлады ҚР Денсаулық сақтау министрлігінің ресми өкілі Бағдат Қожахметов.

Мәселенің ақ-қарасы анықталып, нақты бағасы берілген соң оның нәтижелері туралы Денсаулық сақтау министрлігінің Медиа-орталығы ресми сайтта және әлеуметтік жілелерде жариялайды.

ҚР Мемлекеттік қызмет істері агенттігі лауазымды тұлғаның мемлекеттік қызметшінің әдеп кодексіне жат қылық көрсеткенін мәлімдеді. Агенттік өкілі Алматы облысының бас санитар дәрігеріне қатысты тәртіптік іс қозғалғанын айтты. 

«ҚР Мемлекеттік қызмет істері агенттігінің Алматы облысы бойынша департаментіне мемлекеттік қызметшіге қатысты тәртіптік іс қозғап, оны кейіннен Әдеп жөніндегі кеңесте қарау тапсырылды», - деп жауап берді Мемлекеттік қызмет істері агенттігі ресми өкілі Ерхан Тәткен.

Еске сала кетейік, Ерғали Сыдыманов 12 тамызда Алматы облысында Тауарлар мен көрсетілетін қызметтердің сапасы мен қауіпсіздігін бақылау департаментінің жаңа басшысы болып тағайындалды.

Сұхбат

PhotoRoom