Қазақстанда жасырын есірткі зертханасын ұйымдастырған 4 азамат ұсталды – ҰҚК

Құқық
13.08.2020, 10:17

Күдіктілердің үшеуі - қазақстандық, бірі - шетелдік азамат

Қазақстанда жасырын есірткі зертханасын ұйымдастырған 4 азамат ұсталды – ҰҚК
фото: ҰҚК баспасөз қызметі

2020 жылғы 30-31 шілдеде ҚР Ұлттық қауіпсіздік комитетінің Нұр-Сұлтан қаласы бойынша департаменті Экономикалық тергеу департаментімен және ҚР Ішкі істер министрлігі Ұлттық ұланының «Бүркіт» арнайы мақсаттағы бөлімшесімен бірлесіп жүргізген арнайы операция нәтижесінде Қазақстан Республикасының үш азаматы мен бір шетелдікті ұстады. Бұл туралы ҰҚК баспасөз қызметі хабарлайды.

«Күдіктілердің Ақмола облысының аумағында кейіннен Нұр-Сұлтан қаласында таратылған психотроптық заттарды өндіретін жасырын зертхана ұйымдастыруға және оның жұмыс істеуіне қатысы бар. Есірткіні сату осы мақсатта құрылған Интернет желісінің «Deep Web, Darknet» көлеңкелі сегментінің платформасында «қойылма» деп аталатын жолмен жүзеге асырылған», - делінген ҰҚК ресми сайтында.

Тінту барысында есірткі мен психотроптық заттар, сондай-ақ оларды жасау кезінде қолданылатын химиялық реагенттер мен жабдық табылған. Ұсталған адамдар ҚР ҰҚК тергеу изоляторына қамалды. Сотқа дейінгі тергеп-тексеру жалғасуда.

Сұхбат

PhotoRoom