Шымкент: 6 айда 110 млрд теңгеге жуық инвестиция тартылды

Экономика
13.08.2020, 13:36

Нәтижесінде 9 500-ден аса жаңа жұмыс орны ашылатын болады

Шымкент: 6 айда 110 млрд теңгеге жуық инвестиция тартылды
Фото: kp.kz

Өткен жылмен салыстырғанда 2020 жылдың алғашқы 6 айында Шымкент қаласына тартылған инвестиция  көлемі 24,8 пайызға артып, 108,8 млрд теңгені құрады. Оның ішінде мемлекеттік бюджеттен 45,5 млрд теңге, жеке көздерден – 35,6 млрд теңге есебінен келіп түскен. Бұл туралы Шымкент қаласы әкімінің баспасөз қызметі хабарлайды.

Сондай-ақ кәсіпкерлік және индустриялды-инновациялық даму  басқармасының мәліметіне сүйенер болсақ, шаһарда 2020-2024 жылдар аралығында жүзеге асырылатын 13 инвестициялық жобаның  базасы жасақталған. Бұл жобалардың жалпы құны 1,3 трлн теңгені құрап отыр. Нәтижесінде 9 500-ден аса жаңа жұмыс орны ашылатын болады.

Биыл соның ішінде құны 90 млрд теңгені құрайтын 28 инвестициялық жобасы іске асырылып, екі мыңға жуық жаңа жұмыс орны ашылады деп күтіліп отыр. Ал, шетелдік инвесторлардың қатысуымен 25,9 миллиард теңгеге 5 инвестициялық жобаны іске қосу жоспарлануда.

Сұхбат

PhotoRoom