Жезқазған қаласына жаңа әкім тағайындалды

Аймақ
14.08.2020, 12:47

Жаңа әкімді бүгін өңір басшысы Жеңіс Қасымбек таныстырды

Жезқазған қаласына жаңа әкім тағайындалды
фото: gov.kz

Қайрат Абсаттаров Жезқазған қаласының әкімі болып тағайындалды. Қаланың жаңа әкімін бүгін өңір басшысы Жеңіс Қасымбек таныстырды. Бұл туралы Қарағанды облысы әкімдігінің баспасөз қызметі хабарлады.

«Қайрат Бектайұлында мемлекеттік басқару тәжірибесі бар, қала проблемаларын шешеді және шешімдерін табады. Ол өзінің тәжірибесі мен білімінің арқасында Президентпен қойылған міндеттерге сәйкес жұмысын ұйымдастыра алады, - деді облыс әкімі.

Қаланың жаңа басшысының кандидатурасы Жезқазған мәслихатының депутаттарының кезектен тыс сессиясында ұсынылған. Олар бір ауыздан Қайрат Абсаттаров үшін дауыс берді.

Қ.Абсаттаров 1966 жылы Жезқазғанда дүниеге келген. Үш жоғары білімі бар: 1990 жылы Қарағанды политехникалық институтын «Автомобиль және автомобиль шаруашылығы» мамандығы бойынша; 1998 жылы – О.А.Байқоңыров атындағы Жезқазған университетін «Экономика және өндірісті басқару» мамандығы бойынша; 2018 жылы – «МИСиС» Ұлттық техникалық зерттеу университетін «Іскерлік әкімшіліктендіру магистрі» мамандығы бойынша тәмәмдаған.

1990 – 1997 жылдары Жезқазғанның автомобиль өнеркәсібінің өнеркәсіп кәсіпорындарында, Қарағанды облысының әкімшілік аппаратында еңбек етті.

Стратегиялық жоспарлау және реформалау агенттігінде, Қазақстан Президентінің Әкімшілігінде жұмыс істеген, Байланыс және ақпарат министрлігінің жауапты хатшысының лауазымын атқарған, сонымен бірге көлік және коммуникация вице-министрі, ҚР бірнеше министрліктерінде комитет төрағасы болды, одан кейін Қазақстан Республикасының премьер-министрінің канцеляриясын, Өңірлік даму департаментін басқарды.

2019 жылдан бастап осы күнге дейін «Азаматтарға арналған үкімет» мемлекеттік корпорациясы басқармасы төрағасының бірінші орынбасары – басқарма мүшесі болған.

Сұхбат

PhotoRoom