Карантиннен кейін де жұмыс істемейтін нысан қызметкерлеріне 42 500 теңге беріле ме

Әлеумет
14.08.2020, 14:32

«Атамекен» кәсіпкерлер палатасы ұсыныс әзірлеп жатыр

Карантиннен кейін де жұмыс істемейтін нысан қызметкерлеріне 42 500 теңге беріле ме

17 тамыздан кейін де, яғни карантин аяқталғаннан соң қызметіне рұқсат берілмейтін нысан қызметкерлеріне 42 500 теңге көлеміндегі біржолғы төлем берілуі жайлы мәселе көтерілді. Бұл сұраққа «Атамекен» ұлттық кәсіпкерлер палатасы басқарма төрағасының бірінші орынбасары Элдар Жұмағазиев жауап берді.

«Жұмыстарын бастауға рұқсат берілмеген қызмет түрлері де бар. Оларға қатысты ұсыныымызды әзірлеп жатырмыз. Мысалы, сапаржайда 74 адам жұмыссыз отыруға мәжбүр. Бұл, бюджет мүмкіндігіне қатысты сұрақ деуге болады. Пандемия кезінде біз өтемақы төлеу туралы бастама көтердік. Бірінші айда өтемақы төленді, одан кейін карантин уақыты тағы созылды. Енді, осы мәселеге қатысты ҚР Экономика министрлігімен бірігіп ұсыныс әзірлейміз», - деді Элдар Жұмағазиев.

Оның айтуынша, 17 тамыздан кейін қызметіне шектеу қойылған бизнес нысандарының қатары азаяды.

«Сауда орталықтары мен үлкен базарларға қатысты тәуекел көп. Ол жерде сақтық шаралары қалай сақталады, оны қалай реттеу керек - бұл жағы үлкен сұрақ. Жұмысы тоқтап тұрған кәсіпкерлерге өтемақы берілуін қолдаймыз. Қазіргі уақытта салық төлеуді, несие төлеуді шегеруге қатысты сұрақтарды қарастырып жатырмыз», - деді ол.

Сұхбат

PhotoRoom