Ауыз судың қасақана уланғаны туралы ақпарат – жалған

Жаңалықтар
19.08.2020, 10:20

Мессенджерлерде тараған аудио-хабарламаға Денсаулық сақтау министрлігі жауап берді

Ауыз судың қасақана уланғаны туралы ақпарат – жалған
Фото: ашық дереккөзден

Денсаулық сақтау министрлігі әлеуметтік желілер мен мессенджерлерде кезекті фэйк-ақпарат тарағанын айтып, халыққа оның жалған екенін ескертті. Бұл туралы ведомствоның баспасөз қызметі хабарлады.

Аталған аудио-хабарламада ауыз судың қасақана уланғаны, оны ішкен балалардың жаппай ауыратыны, сонымен қатар, қонақ үйлердің арнайы емдеу орталықтарына ыңғайланғаны, ол жерлерге балаларды емдейтін вирусолог-дәрігерлердің жаппай келіп жатқаны туралы айтылады.

«Азаматтарды мұндай жалған ақпараттарға сенбеуге, тек мемлекеттік органдардың ресми парақшаларында жарияланған жаңалықтарды оқуға шақырамыз. Денсаулық сақтау министрлігі азаматтарды осы салаға байланысты қабылданып жатқан шешімдерден, соның ішінде Бас санитар дәрігердің коронавирустық инфекцияны емдеу хаттамасына енгізетін өзгерістерден шұғыл хабардар етіп отырады. Ақпараттың барлығы қолжетімді», - делінген министрлік таратқан хабарламада.

Сұхбат

PhotoRoom