«Таңғалатын ештеңе жоқ». Қорғаныс министрлігі бұзылған ұшаққа қатысты түсінік берді

Жаңалықтар
19.08.2020, 11:14

Министрлік балансындағы ұшақ техникалық қызмет көрсетуден өту үшін Новосібір қаласындағы  әуежайда тұр

«Таңғалатын ештеңе жоқ». Қорғаныс министрлігі бұзылған ұшаққа қатысты түсінік берді
Фото: sputniknews.kz

Кейбір бұқаралық ақпарат құралдарында қанаты сынды делінген қазақстандық ұшақ «Толмачево» әуежайында (Новосібір қаласы) екені туралы ақпарат жарияланған. Хабарламада Индустрия және инфрақұрылымдық даму министрлігіне сілтеме жасалып, аталған ұшақ Қазақстан Республикасы Қорғаныс министрлігінің балансында тұрғаны айтылған. Аталған ақпарат бойынша Қорғаныс министрлігі келесі жайтты хабарлайды.

«Қазақстан Әcкери-әуе күштерінің (әуе басқару пунктінің) ұшағы жоспар бойынша техникалық қызмет көрсетуден өту үшін Ресей Федерациясы Новосібір қаласындағы «ОО S-7 ИНЖИНИРИНГ» кәсіпорнында тұр. Жөндеу жұмыстары барысында фюзеляждың жеке бөліктеріне және басқа да түйіндері мен агрегаттарына уақытша бөлшектеу жұмыстары қажет болуы мүмкін. Бұл жерде таңғаларлық ештеңе жоқ, жұмыс жоспарлы түрде өткізіліп жатыр», - делінген ведомство ақпаратында.

Қорғаныс министрлігі БАҚ өкілдерін ресми дереккөздерге сүйенуге және тексерілген ақпаратты пайдалануға шақырады.

Сұхбат

PhotoRoom