КВИ жұқтырған 720-дан астам медицина қызметкері Медсақтандыру қорынан төлем алды

Әлеумет
21.08.2020, 15:06

Одан бөлек, індеттен көз жұмған 3 медицина қызметкерінің туыстарына төлем аударылды

КВИ жұқтырған 720-дан астам медицина қызметкері Медсақтандыру қорынан төлем алды
Фото: ашық дереккөзден

COVID-19 вирусымен күресуге тартылған 729 медицина қызметкері коронавирустық инфекцияны жұқтырған немесе вирустық пневмониямен ауырған жағдайда мемлекеттік әлеуметтік сақтандыру қорынан берілетін біржолғы әлеуметтік төлемді алды. Сондай-ақ, Медсақтандыру қоры індет салдарынан қайтыс болған 3 медицина қызметкерінің туыстарына төлем аударды. Бұл туралы Еңбек министрлігінің баспасөз қызметі хабарлайды.

Төлем алатын медицина қызметкерлерін өңірлердің және республикалық маңызы бар қалалардың Денсаулық сақтау басқармалары жанындағы арнайы комиссиялар тексеру нәтижелесінде анықтайды. Өтінімдерді жинақтауды ҚР Денсаулық сақтау министрлігі жүзеге асырады, одан кейін өтінімдер «Азаматтарға арналған үкімет» мемлекеттік корпорациясына» беріледі, кейін төлем тағайындау үшін Медсақтандыру қорына жіберіледі.

21 тамыз сағат 9.00-дегі жағдай бойынша, Медсақтандыру қоры COVID-19 инфекциясын жұқтырған немесе вирустық пневмониямен ауырған 729 медицина қызметкерінің және ауру салдарынан қайтыс болған 3 медицина қызметкері туыстарының өтініш бойынша ақшалай қаражатты тағайындау мен төлеуді жүзеге асырды.

Өңірлер бойынша COVID-19 жұқтыру немесе вирустық пневмониямен ауыру жағдайымен төлемді ең көп алған медицина қызметкерлері - Алматы (77), Ақмола (75) облыстарынан, Алматы (74) және Нұр-Сұлтан (67) қалаларынан, сондай-ақ Батыс Қазақстан облысынан (66) жүргізілді.

Естеріңізге сала кетейік, ҚР Еңбек және халықты әлеуметтік қорғау министрі мен ҚР Денсаулық сақтау министрінің 9 сәуірдегі «Денсаулық сақтау ұйымдарының COVID-19 коронавирустық инфекциясына қарсы күрес жөніндегі эпидемияға қарсы іс-шараларға тартылған қызметкерлері аталған инфекцияны жұқтырған немесе одан қайтыс болған жағдайда оларға біржолғы әлеуметтік төлемді жүзеге асыру қағидаларын бекіту туралы» бірлескен бұйрығына осы жылдың 22 шілдесінде енгізілген өзгерістерге сәйкес, жоғарыда көрсетілген төлем:

  • коронавирустық инфекция немесе вирустық пневмония жұқтырған медицина қызметкерлеріне – 2 млн теңге;
  • COVID-19 коронавирустық инфекциясын жұқтырғаннан, вирустық пневмониямен ауырып қайтыс болған жағдайда олардың отбасына 10 млн теңге көлемінде төленеді.

Сұхбат

PhotoRoom