Талғат Теменов мемлекетаралық сыйлыққа ие болды

Мәдениет
24.08.2020, 14:02

Бұл сыйлық ғылым және білім, мәдениет және өнер, гуманитарлық қызмет саласындағы жетістіктер үшін беріледі

Талғат Теменов мемлекетаралық сыйлыққа ие болды
фото: kazpravda.kz

Талғат Теменов «Достастық жұлдыздары» мемлекетаралық сыйлығына ие болды. Бұл туралы Мәдениет және спорт министрі Ақтоты Райымқұлова Facebook желісіндегі парақшасында жазды.

«Қуанышбаев атындағы мемлекеттік академиялық музыкалық драма театрының көркем жетекшісі, сүйікті кино және театр режиссёрі Талғат Теменов «Достастық жұлдыздары» мемлекетаралық сыйлығына ие болды. Бұл сыйлықты ТМД елдерінің Гуманитарлық ынтымақтастық кеңесі және ТМД қатарындағы мемлекеттердің мемлекетаралық қоры тағайындаған. «Достастық жұлдыздары» ғылым және білім, мәдениет және өнер, гуманитарлық қызмет саласындағы жетістіктер үшін беріледі», - деп жазылған хабарламада.

Министрдің жазуынша, бұл сыйлық ТМД кеңістігінде мәдениет және мәдени мұра саласындағы ынтымақтастықты дамытуға ықпал ететін шығармашылық туындылар арқылы мәдениет пен өнерге қосқан зор үлес үшін ұсынылады.

Сұхбат

PhotoRoom