Қазақстан және Қытай үкіметі екі ел шекарасы арқылы өткізу пункттері туралы екіжақты келісімге өзгерістер енгізуге ниетті, деп хабарлады ҚР Қаржы министрлігінің баспасөз қызметінен.
«Бүгінде «Батыс Еуропа-Батыс Қытай» халықаралық транзиттік дәліз жобасын жүзеге асыру мақсатында Келісімге («ҚР үкіметі мен ҚХР үкіметі арасындағы қазақстандық-қытайлық мемлекеттік шекара арқылы өткізу пункттері және олардың жұмыс режімі туралы 2012 жылдың 6 маусымындағы келісімі») өзгерістер мен толықтырулар енгізу туралы Хаттамаға қол қою қажеттілігі туындады», - делінген хабарламада.
Аталып өтілгендей, бұл Хаттамаға қол қою қазақстандық-қытайлық шекарада жаңа «Нұр жолы» өткізу бекетінің ашылуын қамтамасыз етіп, ҚР және ҚХР арасындағы сауда-экономикалық ынтымақтастықтың жақсаруына жол ашады.
Қазақпарат