Астана – бейбітшілік пен келісімінің ордасы
Қызылорда облыстық ассамблеясы хатшылығы мен корей этномәдени бірлестігінің ұйымдастыруымен Астана күніне арналып Қызылорда қалалық мәдениет және демалыс паркінде «Астана – бейбітшілік пен келісімінің ордасы» атты мерекелік шара ұйымдастырылды.
Осы күні демалыс паркіне келген қала тұрғындары мен қонақтары түрлі этнос өкілдерінің әндері мен билерін тамашалады. Этномәдени бірлестіктердің жастар қанаты флеш-моб ұйымдастырып, тақырыпты кеңінен аша түсті. Жұртшылықпен түрлі ойындар ойналып, байқаулар ұйымдастырылды. Жеңімпаздарға сыйлықтар табыс етілді. Корей этномәдени бірлестігі тарапынан балаларға арналып сусындар мен түрлі тәттілер таратылды. Қала тұрғындары бір–бірін мерекемен қуана құттықтап, жас Елорданың одан әрі көркейіп, көріктене беруін тіледі.