«ҚАУІПСІЗ ЖОЛ» акциясы
Република көлеміндже ұйымдастырылған «Қауіпсіз жол» жедел-профилактикалық шарасында туындаған мәселелерді жедел шешу және атқарылған шараларды басқару үшін Мақтаарал ауданы полиция бөлімінің уақытша штабы құрылды. Мамандар небәрі 10 күн ішінде жол ережесін бұзған жүргізушілерге 319 әкімшілік шара көрген. Осы орайда аудан полицейлері автокөлік иелеріне жол ережесін сақтап, айыппұлды уақтылы төлеуді ескертеді.
Сонымен қатар, көлік жүргізушілеріне 285 дана буклеттер және жадынамалар берілді. Аудан аумағындағы 100 шақырым авариялық қауіпті учаскелер тексеріліп, 14-дана белгілер орнатылды. Жол көлік оқиғаларының алдын алу мақсатындағы шара 1 ай бойы жалғасады. Бұл аралықта жол ережелерін өрескел бұзушылар, тәртіпке бағынбаған көлік жүргізушілері қатаң тексерілетін болады.