Ақылы жолдарда төлем жасау жүйесіне өзгеріс енгізіледі
Бұйрық жобасы 16 наурызға дейін қоғамдық талқылауда болады
Индустрия және инфрақұрылымдық даму министрлігі ақылы жолдарда төлем жасау жүйесіне өзгеріс енгізді. Бұйрық жобасы «Ашық НҚА» порталында жарияланды, деп хабарлайды Saigez.kz.
Қоғамдық талқылауға шығарылған құжатқа сәйкес, ақылы жолдарда қолма-қол ақша мен алдын ала төлемнен бөлек кейінгі төлемді де енгізу жоспарланып отыр. Оны ақылы жолмен жүргеннен кейін күнтізбелік жеті күн ішінде төлеуге болады.
Осы уақыттың ішінде жол ақысы төленбесе, айыппұл салынады.
Жеке тұлғаларға - 5 айлық есептік көрсеткіш (17 250 теңге); заңды тұлғаларға - 10 АЕК (34 500 теңге);
Бұдан бөлек, ережеге бір айға арналған абонементтің анықтамасы анықтамасы енгізілді.
Бұйрық жобасы 16 наурызға дейін қоғамдық талқылауда болады.