Ресей Назарбаевтың саммит өткізу туралы ұсынысына жауап берді

Саясат
07.09.2020, 12:38

Тамыз айының соңында Елбасы Нұрсұлтан Назарбаев Қазақстанда ядролық қаруды қысқарту жөнінде халықаралық саммит өткізуді ұсынды

Ресей Назарбаевтың саммит өткізу туралы ұсынысына жауап берді
Фото: reuters

Ресей тарапы Нұрсұлтан Назарбаевтың Ресей, АҚШ, Қытай және Еуропалық одақтың қатысуымен ядролық қаруды қысқарту жөнінде саммит өткізу туралы ұсынысына назар аударды.

Ресей ядролық қаруы бар барлық мемлекеттің қатысуымен осы салада көпжақты келіссөздер жүргізу маңызды деп санайды. Бұл туралы «Известия» РФ сыртқы істер министрлігінің ақпарат және баспа департаментіне сілтеме жасап хабарлады. 

Тамыз айының соңында Елбасы Нұрсұлтан Назарбаев Ресей, АҚШ, Қытай және Еуропалық одақтың қатысуымен Қазақстанда ядролық қаруды қысқарту жөнінде халықаралық саммит өткізуді ұсынған болатын.

«Известия» жазғандай, Ресей тарапы Қазақстанның тұңғыш президенті Нұрсұлтан Назарбаевтың ұсынысына назар аударды.

«Біз халықаралық қауымдастықтың барлық мүшесі сенімді нығайту, шиеленіс деңгейін, стратегиялық белгісіздік пен жанжалдың жалпы әлеуетін төмендету бойынша нақты қадамдар жасайтын уақыт келді деп санаймыз, бұл сайып келгенде ядролық қарусыздану перспективаларына тікелей және оң әсерін тигізеді. Осы тұрғыда әскери ядролық әлеуеті бар барлық мемлекеттің атсалысуымен зымыран-ядролық қару саласындағы болжамдылық пен ұстамдылықты қамтамасыз етудің мүмкін шаралары жөнінде көпжақты талқылауды бастау маңызды болмақ», - деп атап өтті департамент.

Ведомство мұндай жұмыс «келісім негізінде және барлық қатысушы тараптың заңды мүдделері мен алаңдаушылығы ескеріле отырып, ешқандай мәжбүрлеусіз» жүруі тиіс деп атап өтті. 

Бұған дейін Қытай тарапы Назарбаев айтқан бастаманы қолдайтынын білдірді. Қытай Қазақстанның тұңғыш президенті Нұрсұлтан Назарбаевтың әлемдегі ядролық қаруды қысқарту жөніндегі күш-жігерін қолдайды, деп мәлімдеді Қытай сыртқы істер министрлігінің ресми өкілі Чжао Лицзянь.

Сұхбат

PhotoRoom