МЕМЛЕКЕТТІК-ЖЕКЕМЕНШІК ӘРІПТЕСТІК ЖОБАЛАРДЫҢ ОРЫНДАЛУЫНА ЗЕРДЕЛЕУ ЖҰМЫСТАРЫ ЖҮРГІЗІЛДІ
Кеше Шымкент қаласы мәслихатының бірлескен тұрақты комиссия отырысында мемлекеттік – жекешелік әріптестік жобаларының орындалу барысы туралы жауапты мекемелердің есебін тыңдалды. Осы орайда депутаттар арасынан жобалардың орындалуын қадағалау және баға беру мақсатында жеті жұмысшы топ құрылды. Бүгін «AMANAT» партиясы Шымкент қалалық филиалының Атқарушы хатшысы Жанар Бектаева, мәслихат депутаттары Төреайым Жолдыбаева, Айжан Наимбекова, Бөкейхан Абишев, Нұрсұлтан Балабиев әр нысанға барып, мониторинг жұмыстарын жүргізді.
Алдымен «Қалалық онкологиялық орталық» шаруашылық жүргізу құқығындағы мемлекеттік коммуналдық кәсіпорын базасында ПЭТ орталығы мен сәулелік терапия орталығының қызметтерімен танысты. Әрмен қарай Шымкент қалалық жедел медициналық жәрдем станциясын жаңғырту және пайдалануға беру туралы Гүлнар Мамытқызымен талқылады. Сондай-ақ, Бейбітшілік даңғылы 2Б мекен-жайы бойынша амбулаториялық-емханалық көмек көрсету үшін қалалық емхана құру және пайдалануға беру бойынша Медикер медициналық орталығына барып, жұмыс барысын бақылады.