Шыны ыдыс шығаратын зауыт – елдегі үздік индустриалдық жоба

Аймақ
15.09.2020, 20:09

 

Кәсіпорынның өндірістік қуаты жылына 200 млн. шартты бөтелке, банка шығаруға мүмкіндігі бар

Шыны ыдыс шығаратын зауыт – елдегі үздік индустриалдық жоба

«ЕвроКристалл» ЖШС – көлемі 150 мл-ден 2 литрге дейін тамақ өнеркәсібі мен фармацевтикалық өндірістерге арналған кең сұрыптамалы және әртүрлі формадағы жоғары сапалы шыны ыдыс шығаратын зауыт. Шымкент қаласындағы «Оңтүстік» индустриялық аймағының аумағында орналасқан үздік индустриалдық жоба еліміздегі ең ірі зауыттардың бірі. «ЕвроКристалл» ЖШС 2011 жылдың мамыр айында құрылған.

Кәсіпорында сыра, газдалған сусындарға арналған бөтелкелер, шырын бөтелкелері, консервілеуге арналған банкалар өндірілуде. Кәсіпорынның өндірістік қуаты жылына 200 млн. шартты бөтелке, банка шығаруға мүмкіндік береді. Зауыт өнімі экологиялық жағынан таза және химиялық төзімділікпен, беріктікпен, эталонды колермен және мінсіз геометриямен сипатталады. «ЕвроКристалл» зауыты бірегей заманауи автоматтандырылған жабдықпен жабдықталған.

Компанияның өнімдері еліміздің қалалары – Алматы, Қарағанды, Петропавлға жеткізіледі. Сондай-ақ, Қырғызстан Республикасы мен Ресей Федерациясына экспортталады.

«ЕвроКристалл» ЖШС жобасы «Бизнестің жол картасы 2020» бағдарламасы шеңберінде «Даму» кәсіпкерлікті дамыту қорының және «Қазақстанның Даму Банкі» АҚ қолдауымен іске асырылды.

Бүгінгі таңда кәсіпорында 300-ге жуық адам жұмыс істейді. Компания басшылығы өңірде өнеркәсіп дамытуға қосқан үлесі үшін көптеген алғыс хаттар және грамоталармен марапатталған. Компания жыл сайын «Қазақстанның Үздік Тауары» республикалық конкурсына қатысады.  Бұл туралы Шымкент қаласының Ақпараттық-коммуникациялық орталығы хабарлады

Сұхбат

PhotoRoom