Шымкент: Тұрғындарға «Hаlyk-saulet» электронды жүйесі арқылы қызмет көрсетілуде

Аймақ
21.09.2020, 10:08

Жылжымайтын мүлікке нөмер беру, оны нақтылау және жою қызметтері толықтай автоматтандырылды

Шымкент:  Тұрғындарға «Hаlyk-saulet»  электронды жүйесі арқылы қызмет көрсетілуде
Фото: ашық дереккөздерден

Шымкент  қаласындағы  жер, сәулет және қала құрылысы басқармасы арқылы 19 түрлі мемлекеттік қызмет көрсетіледі. Бүгінде оның барлығы да электронды түрде жүргізіліп отыр. Бұл жөнінде Шымкент қаласы әкімінің баспасөз қызметі хабарлады.

Мәселен, басқарманың «Halyk-saulet» жүйесі іске қосылған болатын. Ол арқылы жылжымайтын мүлікке нөмер беру, оны нақтылау және жою қызметтері толықтай автоматтандырылды.

Бұған дейін бұл қызметті тұрғындар 6 жұмыс күні ішінде алып келген. Қазір электронды бағдарламаның арқасында жарты сағат көлемінде алу мүмкіндігі туып отыр. Биыл 8 айда «Halyk-saulet» жүйесі арқылы азаматтарға 7 500 мемлекеттік қызмет көрсетіліпті.

Сонымен қатар, халықтың тарапынан ең үлкен сұранысқа ие сәулет-жоспарлау тапсырмасын беру қызметі (АПЗ)  автоматтандырылды. Былтыр осы қызметті алу үшін 17 жұмыс күні қажет болса, қазір 3 жұмыс күні ішінде алуға мүмкіндік бар.

Айта кетейік, АПЗ-ны алу кезіндегі талап етілетін табиғи монополия субъектілерінің техникалық шарттарын өткен жылы 15-20 күнде алатын. Автоматтандырылғаннан кейін бұл қызмет түрін де  2 жұмыс күні ішінде алуға болады.

Сұхбат

PhotoRoom