Қазақстанда жаңа агенттік құрылып, төрағасы тағайындалды

Саясат
28.01.2021, 18:08

Президент Қаржы мониторингі агенттігін құру туралы жарлыққа қол қойды

Қазақстанда жаңа агенттік құрылып, төрағасы тағайындалды

Мемлекет басшысы Қазақстанда көлеңкелі экономикаға қарсы іс-қимылдың тиімділігін арттыру мақсатында Қаржылық мониторинг агенттігін құру туралы жарлыққа қол қойды.

Жаңа агенттікке Қаржы министрлігінің қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласындағы, сондай-ақ экономикалық және қаржылық қылмыстар мен құқық бұзушылықтардың алдын алу, оларды анықтау, жолын кесу, ашу және тергеп-тексеру бойынша функциялары мен өкілеттіктері беріледі.

Жаңа агенттік берілетін функциялар мен өкілеттіктер шеңберінде Қаржы министрлігінің құқықтары мен өкілеттіктерінің құқықтық мирасқоры болып айқындалды.

Мемлекет басшысы ҚР Президентіне тікелей бағынатын және есеп беретін мемлекеттік органның құрамы мен ережесін бекітуді тапсырды.

Сондай-ақ Президент жарлығымен Қаржылық мониторинг агенттігінің төрағасы болып Жанат Қалдыбекұлы Элиманов тағайынды.

Еске сала кетейік, Мемлекет басшысы 26 қаңтарда өткен Үкіметтің кеңейтілген отырысында қысқа мерзімде Президент жанындағы Экономикалық қылмыстарға қарсы күрес агенттігін құруды тапсырды

Сұхбат

PhotoRoom