Жаңа оқу жылына дайындық: Ұлытау облысында әлеуметтік осал топтағы 3000-нан астам оқушыға қаржылай көмек беріледі
Бірреттік қаражат балаларды мектепке дайындау мақсатында халықтың әлеуметтік осал топ санатындағы оқушыларға киім кешек, кеңсе тауарларын сатып алу үшін тамыз айынан бастап төлене бастайды.
Сонымен қатар, 1 тамыздан бастап, аз қамтылған және көп балалы отбасылар қатарындағы оқушыларға, жетім балалар мен ата-анасының қамқорлығынсыз қалған балаларға оқу жылының басталуына дайындық кезеңінде көмек көрсету мақсатында дәстүрлі «Мектепке жол» республикалық акциясы басталады.
Жаңа оқу жылына дайындық ретінде биыл облыстың 7 мектебінде күрделі, 2 білім ошағында ағымдағы жөндеу жұмыстары атқарылып жатыр. Оған қоса, 24 мектеп 28 пәндік кабинеттерімен оның ішінде физика-6, химия-6, биология-5, STEM-6, робототехника -5 қамтамасыз етілуде.
Жылыту маусымдығына дайындық кезеңінің жылу жүйесіндегі қысымды қорытынды сынау кезеңінен 100% өткізілген. Жылыту қазандықтарына отын сатып алу және жеткізу бойынша мемлекеттік сатып алу порталында 63% мекеме келісім-шарт жасасты, 33% конкурстың нәтижесі енді белгілі болмақ.
Айта кетейік, Ұлытау облысындағы білім беру ұйымдары 1 сәуірден бастап 31 тамызға дейін 1 сыныпқа құжаттар қабылдап жатыр. Болжам бойынша 1 сыныпқа 4393 бала мектеп табалдырығын аттағалы отыр. Бүгінгі таңда 3112 (71%) оқушы 1-сыныпқа қабылданды. Оның ішінде 2615 (84%) бала қазақ сыныптарында қабылданды.