Шет елдерде жүрген 8,8 мың қазақстандық сайлауда дауыс берді
Биыл мәжіліс депутаты мандатына 7 саяси партия таласып жатыр
Қазақстанның дипломатиялық өкілдіктері жанынан 62 шет мемлекетте сайлаушылардың жалпы саны 12132 адамнан тұратын 77 учаскелік сайлау комиссиясы ашылды.
Қазір шетелдегі барлық учаскелік сайлау комиссиялары өз жұмысын аяқтады. Дауыс беруге 8800 ҚР азаматы қатысты, бұл дауыс берушілердің 72,54% құрады.
19 наурызда Қазақстанда өткен Мәжіліс пен мәслихат депутаттарын сайлаудың алдын ала нәтижесі жарияланды.
Айта кетейік, биыл мәжіліс депутаты мандатына 7 саяси партия таласып жатыр.
«Еуразиялық интеграция институтының» мәліметі төмендегідей:
- Amanat партиясы – 53,46%;
- «Ауыл» партиясы – 10,52%;
- Respublica партиясы – 8,9%;
- Қазақстан халық партиясы – 6,25%;
- «Байтақ» жасылдар партиясы – 3,22%;
- «Ақ жол» партиясы – 7,87%;
- Жалпыұлттық социал-демократиялық партиясы – 5,31%.
- «Бәріне қарсымын» – 4,47%.
«Демократия институты» ғылыми-зерттеу ассоциациясының мәліметі төмендегідей:
- Amanat партиясы – 53,33%;
- «Ауыл» партиясы – 11,26%;
- Respublica партиясы – 8,33%;
- Қазақстан халық партиясы – 6,93%;
- «Байтақ» жасылдар партиясы – 2,17%;
- «Ақ жол» партиясы – 8,7%;
- Жалпыұлттық социал-демократиялық партиясы – 5,12%;
- «Бәріне қарсымын» – 3,56%.
Айта кетейік, биыл бюллетеньдердің өлшемі де өзгерді. Бюллетеньдегі 7 тармақ – саяси партиялардың атауы, 8-тармақ – «Бәріне қарсымын» тармағы болды.