Алматы мен Шымкентте жер сілкінісі сезілді

Әлем
23.03.2023, 11:45

Жер сілкінісінің ошақтары Тәжікстан аумағында немесе Тәжікстан мен Қырғызстан шекарасында орналасқан

Алматы мен Шымкентте жер сілкінісі сезілді
фото: ашық дереккөз

Алматыдан 740 шақырым жерде Тәжікстан аумағында магнитудасы 6,5 болатын жер сілкінісі тіркелді. Құрбандар мен зардап шеккендер жоқ, деп хабарлайды төтенше жағдайлар министрлігінің баспасөз қызметі. 

Бір түнде болған бес жер сілкінісінің сезілуін алматылық сейсмологтар тіркеп алған.

«Жер сілкінісінің ошақтары Алматыдан 710-724 шақырым жерде, Тәжікстан аумағында немесе Тәжікстан мен Қырғызстан шекарасында орналасқан. Біріншісі Алматы уақыты бойынша сағат 02:07-де болды. Одан кейін сағат 5:03-те Алматыдан 209 шақырым жерде, эпицентрі Қырғызстанда. Одан кейінгі дүмпулер 6:27, 7:53 және 8:53-те тіркелді», - делінген хабарламада.

Бұл ретте алматылықтар бірінші жер сілкінісін ғана сезіндік деп отыр. Олар дүмпулерді сезбеген.

«Алғашқы жер сілкінісінен өзгелері бойынша сезілуі туралы ақпарат болған жоқ», - деп қосты сейсмологиялық тәжірибелік-әдістемелік экспедицияның (ҚР СМЭК) басшылығы.

Сұхбат

PhotoRoom