Түркиядағы футбол матчында жанкүйерлер мамық ойыншықтар лақтырды (ВИДЕО)

Әлем

27.02.2023, 16:14

Одан түскен қаражат зілзаладан зардап шеккендерге аударылады

Түркиядағы футбол матчында жанкүйерлер мамық ойыншықтар лақтырды (ВИДЕО)

Фото: globallookpress.com

Түрік сперлигасының 14-туры аясында өткен «Бешикташ» – «Антальяспор» арасындағы матчта жанкүйерлер шамамен әрқайсы 20 лир тұратын мамық ойыншықтар сатып алып, оны алаңға лақтырды. Мамық ойыншықтардан түскен ақша зілзаладан зардап шеккендерге жеткізіледі.

Жанкүйерлер мамық ойыншықтарды матчтың 4-минуты, 17-секундында лақтыра бастаған.

Айта кетейік, Түркияның оңтүстік-шығысындағы табиғи апат 6 ақпанда сағат 04:17-де басталған еді. Осы уақытта жер сілкінісінен қаза тапқандарды еске алу үшін ойын бірнеше минутқа тоқтатылды.

Соңғы ақпараттарға сәйкес, Түркияда зілзала құрбандарының саны 44 мың адамнан асқан.